သတင်းနှင့်ဆောင်းပါးစာမျက်နှာ





၅၀ကြိမ်မြောက် ကမ္ဘာ့ ဆက်သွယ်ရေး နေ့ အတွက် ပုပ်ဖရန်စစ်၏ မင်္ဂလာသတင်းစကား



Apr 20, 2016




(၅၀)ကြိမ်မြောက် ကမ္ဘာ့လူထုဆက်သွယ်ရေးနေ့ အတွက်ရဟန်းမင်းကြီး ဖရန်စစ်၏ သတင်းစကား

 

‘Communication and Mercy: A Fruitful Encounter:’

ဆက်သွယ်ရေးနှင့် သနားဂရုဏာ - အသီးအပွင့်ရှိသော(အကျိုးရှိသော) ထိတွေ့ဆက်ဆံမှု

***

ချစ်ခင်ရပါသော ညီအစ်ကို မောင်နှမ အပေါင်းတို့

                                                 

သန့်ရှင်းသော သနားဂရုဏာနှစ်သည် ကျွန်ုပ်တို့အားလုံးအား ဆက်သွယ်ခြင်းနှင့် သနားဂရုဏာအကြား ဆက်နွယ် မှုကို သုံးသပ်ခွင့်ပေးသည်။ ကျွန်ုပ်တို့သည် သခင်ခရစ်တော်အားဖြင့် သနားဂရုဏာ၏ ဖခင်ဖြစ်သော ခမည်းတော် ဘုရားကို ရုပ်လုံးဖေါ်ဆောင်ကာကွှန်ုပ်တို့အားသိမြင်စေသည်။ ခရစ်တော်နှင့်တလုံးတဝတည်းဖြစ်သော အမိကက်သလစ်အသင်းတော်သည် သနားဂရုဏာထားတတ်ရန် ဖိတ်ခေါ်ခြင်းခံရပြီး သနားဂရုဏာ ဟူသည့် အသင်းတော်၏သဘောသဘာဝနှင့် လုပ်ဆောင်ချက်များအကြားတွင် အရေးအကြီးဆုံး အမှတ်လက္ခဏာ အဖြစ် ကျင့်ကြံကြရန် လိုအပ်လှပေသည်။ ကျွန်ုပ်တို့သည် အကြောင်းအရာတစ်ခုခုကို ပြောဆိုသည်ဖြစ်စေ၊ မည်ကဲ့သို့သောပုံစံဖြင့်ပြောဆိုသည်ဖြစ်စေ၊ ကျွန်ုပ်တို့ပြောဆိုသည့် စကားလုံးတိုင်းနှင့် ကိုယ်ဟန်အမူအရာသည် လူတိုင်းအတွက် ဘုရားသခင်၏ ဂရုဏာမေတ္တာ၊ သိမ်မွေ့ကြင်နာမှုနှင့် ခွင့်လွတ်ခြင်းများကို ဖော်ပြရမည်ဖြစ် ပေသည်။ ချစ်ခြင်းမေတ္တာသည် ၎င်း၏ သဘောသဘာဝ အားဖြင့် ဆက်သွယ်ထိတွေ့ခြင်းဖြစ်ပေသည်။ ၎င်းသည် ပွင့်လင်းခြင်းနှင့် ဝေမျှခြင်းသို့ ဦးဆောင်လေ့ရှိသည်။ ကျွန်ုပ်တို့၏ နှလုံးသားများနှင့် လုပ်ဆောင်ချက်များသည် ဘုရားသခင်၏ ချစ်ခြင်းမေတ္တာနှင့်ဘုန်းဂုဏ်တော်တို့ဖြင့် လှုံဆော်ထိတွေ့မှုခံရသောအခါ ကျွန်ုပ်တို့၏ ဆက်သွယ် ပြောဆိုပုံများကို ဘုရားသခင်ကိုယ်တော်တိုင်ကောင်းကြီးပေး လမ်းပြပေးလိမ့်မည်။

 

ဘုရားသခင်၏ သားသမီးများသည် ခွဲခြားဆက်ဆံခြင်း မရှိရပဲ လူတိုင်းနှင့် ဆက်သွယ်ပြောဆိုရန် ဖိတ်ခေါ်ခြင်း ခံကြရသည်။ တနည်းအားဖြင့်ဆိုသော် အမိအသင်းတော်၏ သွန်သင်ပြောဆိုမှုများနှင့် လုပ်ဆောင်ချက်များသည် သနားဂရုဏာပြသရန်၊ လူအပေါင်းတို့၏ စိတ်နှလုံးသားများအား ထိတွေ့နိုင်စေရန်နှင့် ခမည်းတော်ဘုရား၏ အလိုတော်အတိုင်း ခရစ်တော်ယေဇူးကိုစေလွှတ်ကာ လူအားလုံးကို ပြီးပြည့်စုံသော ဘဝအသက်တာသို့ လျှောက်လှမ်းရာ ခရီးလမ်းတလျှောက်တွင် အထောက်အကူပြု ထိန်းသိမ်းပေးရန်အတွက်ဖြစ်သည်။ ဆိုလို သည်မှာ ကျွန်ုပ်တို့ ကိုယ်တိုင်သည် အမိအသင်းတော်၏ နွေးထွေးယုယမှုကို ကြည်ဖြူစွာ လက်ခံရမည် ဖြစ်ပြီး ထိုနွေးထွေး ယုယမှုကို သူတပါးအား ဝေမျှခြင်းဖြင့် လူအများသည် ခရစ်တော်ကို သိနားလည်၍ ချစ်မြတ်နိုး လာကြမည်ဖြစ်သည်။ ဤနွေးထွေးမှုသည် ယုံကြည်ခြင်းဆိုင်ရာ နုတ်ကပါတ်တော်ကို အကောင်အထည် ဖေါ်စေသည်။ ၄င်းသည် ကျွှန်ုပ်တို့၏ ဟောပြောခြင်း နှင့် သက်သေခံနေထိုင်ခြင်းအားဖြင့် ရှင်သန်ခြင်းဘဝ အသက်တာကို ပေးစွမ်းနိုင်သော “မီးပွားများ” ဖြစ်ပေါ်စေပါသည်။

 

ဆက်သွယ်ခြင်းသည် ပေါင်းကူးတံတားများကို တည်ဆောက်နိုင်စွမ်းရှိသကဲ့သို့ ထိတွေ့ဆက်ဆံခြင်း နှင့် ပူးပေါင်းပါဝင်စေခြင်းတို့ကို ဖြစ်ပေါ်စေကာ လူ့အဖွဲ့အစည်းအား အကျိုးပြုစေသည်။ နားလည်မှုကွဲလွဲခြင်းအား ရှောင်ရှားရန်၊ စိတ်ဒဏ်ရာ ရရှိစေသော အတိတ်များကို ကုစားရန်နှင့်ငြိမ်းချမ်းခြင်း၊ သဟဇာတမျှတမှုများကို တည်ဆောက်ရန်အလို့ငှာ လူအများသည် သူတို့ပြောဆိုမည့်စကားများ၊ ပြုမူမည့်လုပ်ရပ်များအား ဂရုတစိုက် သတိဖြင့်ရွေးချယ်ပါက လောကကြီးသည် မည်မျှလှပလာမည်နည်း။ စကားလုံးများသည် လူပုဂ္ဂိုလ်အချင်းချင်း မိသားစုများအကြား၊ လူမှုအဖွဲ့အစည်းများ နှင့် လူမျိုးများအကြားတွင် ပေါင်းကူးဆက်ဆံပေးသည့် တံတားများကို တည်ဆောက်ပေးနိုင်သည်။ ထိုသို့ ဆက်ဆံခြင်းကို လက်ရှိရုပ်ဝတ္ထု၊ လောကီကမ္ဘာနှင့်ဒစ်ဂျစ်တယ် ခေတ်ကြီးတွင် ဖြစ်နိုင်ပေသည်။ ကျွန်ုပ်တို့၏ ပြောဆိုပြုမူခြင်းများသည် လူပုဂ္ဂိုလ်များနှင့် နိုင်ငံများအကြား မုန်းတီးမှု ဖော်ထုတ် ချက်များကို အားပေးသည့် ရှုံချခြင်းနှင့် လက်စားချေခြင်းဆိုင်ရာ အကျိုးမဲ့သောသံသရာမှ လွတ်မြောက်စေရန် ကူညီပေးသင့်သည်။ ခရစ်ယာန်များ၏နှုတ်မှပြောဆိုသောစကားလုံးများသည် လူ့အသိုင်းအဝန်းအား အစဉ်တစိုက် စိတ်ဓာတ်ခွန်အားပေးသောစကားများဖြစ်သင့်ကာ မကောင်းမှု ဒုစရိုက်များအားကန့်ကွက် ရှုံချ သည့်အခါတွင် ပင်လျှင် ခရစ်ယာန်များသည် ပေါင်းသင်းဆက်ဆံရေးနှင့် ပြောဆိုဆက်သွယ်မှု များကို မဖျက်စီး သင့်ပေ။

 

ထိုအကြောင်းပြချက်ကြောင့် ကျွန်ုပ်အနေဖြင့် စိတ်ကောင်းနှလုံးကောင်းရှိသူများအားလုံးကို မိသားစုနှင့် လူ့ သိုင်း အဝိုင်းများအကြား ငြိမ်းချမ်းခြင်းနှင့် သဟဇာတဖြစ်ရေးကို ဆောင်ကြဉ်းပေးလျှက် နာကျည်းထိခိုက်မှု ဖြစ်စေသည့် ဆက်ဆံရေးများကို ကုစားပေးကာ သနားဂရုဏာ၏စွမ်းပကားကို ပြန်လည်ရှာဖွေတွေ့ရှိရန် ဖိတ်ခေါ်ပါသည်။ အတိတ်မှဒဏ်ရာဒဏ်ချက်များနှင့် ခံပြင်းနာကျည်းနေသော ခံစားချက်များသည် လူပုဂ္ဂိုလ်တစ်ဦးချင်းအား ကန့်သတ် ချုပ်နှောင်လိုက်ပြီး အချင်းချင်း ဆက်သွယ်ပြောဆိုခြင်းနှင့် ပြန်လည်ကျေအေး သင့်မြတ်ရန်မည်မျှ အတားအဆီးဖြစ်စေကြောင်းကို ကျွန်ုပ်တို့အားလုံးသိပြီးဖြစ်သည်။ လူမျိုးအချင်းချင်း ဆက်ဆံရေးများသည်လည်း ထိုနည်းတူပင်ဖြစ်သည်။ ထိုကဲ့သို့သော ကိစ္စရပ်တိုင်းတွင် သနားဂရုဏာသည် အချင်းချင်းပြောဆိုဆက်ဆံခြင်းနှင့် ဆွေးနွေးတိုင်ပင်ခြင်းတို့ကိုဖြစ်စေသည့် ပုံစံသစ်ကိုဖန်တီးပုံဖော်ပေးနိုင်သည်။ ရှိတ်စပီးယားသည် ထိုအချက် နှင့် ပတ်သက်၍ “သနားဂရုဏာ၏ အရည်အချင်းသည် ရုတ်လျော့သွားလေ့မရှိပေ။ သနားဂရုဏာသည် ကောင်းကင် ပေါ်မှကျလာသော ညင်သာသည့်မိုးရေစက်ကလေးနှင့်တူညီသည်။ ၎င်းသည် ကောင်းကြီးမင်္ဂလာ အကျိုးကျေးဇူး နှစ်ကြိမ် ဖြစ်ထွန်းစေသည်။ သနားဂရုဏာသည် ပေးသနားသူနှင့် လက်ခံရရှိသူ နှစ်ဦးနှစ်ဖက်ကို အကျိုးရှိ စေသည်။”ဟု Merchant of Venice ဗင်းနစ်စ်မြို့၏ကုန်သည်ဟူသည့် ပြဇာတ်အခန်း-၄၊ အပိုင်း-၁ တွင် ရေးသား ဖော်ကျူး ထားသည်။

 

နိုင်ငံရေးနှင့် သံသမန်ရေးရာတွင် သုံးနှုန်းနေသော ကျွန်ုပ်တို့၏ ဘာသာစကား အသုံးအနှုန်းသည် မျှော်လင့်ခြင်း ရောင်ခြည်ကို ပေးစွမ်းတတ်သော သနားဂရုဏာဖြင့် ပြည့်ဝနေလျှင် ပိုမိုထိရောက်ပေလိမ့်မည်။ ကျွန်ုပ်အနေဖြင့် နိုင်ငံရေး၊ အဖွဲ့အစည်းနှင့်ပြောရေးဆိုခွင့်ရှိသည့် တာဝန်ရှိလူပုဂ္ဂိုလ်များကို မှာကြားလိုသည်မှာ အပြောနှင့်အလုပ် မညီသူများ သို့မဟုတ် အမှားအယွင်း ကျူးလွန်မိသူများနှင့် စပ်ဆိုင်၍ ပြောဆိုရာတွင် သတိထားစေလိုသည်။ ထိုသို့သော အခြေအနေမျိုးတွင် အယုံအကြည်ကင်းမဲ့ခြင်း၊ အကြောက်တရားနှင့် အမုန်းတရား တိုးပွားမည့် မီးတောက်အား ဖန်တီးမိရန် လွယ်ကူစွာ စုံစမ်းနှောက်ယှက်ခြင်းခံရသည်။  သို့သော် လူအများအား ပြန်လည် ကျေအေးသင့်မြတ်ခြင်း ဖြစ်စဉ်သို့ လူအများအား လမ်းညွှန်ပြသရန် ရဲရင့်ခြင်းသတ္တိရှိရန် လိုအပ်လှပေသည်။ ၎င်းသည် အတိတ်ကာလမှ ပဋိပက္ခ၊ သဘောထား ကွဲလွဲမှုများအား မှန်ကန်သောနည်းများဖြင့် ဖြေရှင်းရန်နှင့် တာရှည်ခံ မြဲမြံမည့် ငြိမ်းချမ်းခြင်းကို တည်ဆောက်ရန် အခွင့်အရေးများ ပေးစွမ်းမည့် အပြုသဘောဆောင်ကာ ဆန်းသစ်၍ ရဲရင့်သည့် လုပ်ဆောင်ချက်များပင်ဖြစ်သည်။ “ငြိမ်းချမ်းရေး ဖော်ဆောင်သူများသည်  မင်္ဂလာရှိ ကြသည်၊ အကြောင်းမူကား ထိုသူတို့သည် ဘုရားသခင်၏ သားသမီးများဟု ခေါ်ဆိုခြင်း ခံရလိမ့်မည်။” (မာတေဦး အခန်းကြီး-၅၊ အခန်းငယ် ၇-၉)

 

အမိအသင်းတော်၏ သိုးထိန်းများဖြစ်သာ ကျွန်ုပ်တို့၏ဆက်သွယ်ပြောဆိုမှုများသည် မာန်မာနတရားနှင့် အထက်စီးမှ ဆက်ဆံသူကဲ့သို့  ရန်ဖက်တစ်ဦးအပေါ် ပြုမူခြင်း သည်မဟုတ် (သို့မဟုတ်) ရှုံးနိမ့်ကျဆုံးသူများ၊ အမေ့လျော့ခံများအားဂုဏ်သိက္ခာကျဆင်းစေသည့် အပြုအမူမျိုး တစ်ခေါက်တစ်ခါမျှ မပြုမိစေရန် မျှော်မှန်း ပါသည်။ သနားဂရုဏာသည် လူ့ဘဝ ပြဿနာများကို လျော့နည်းစေကာ အေးစက်သော တရားစီရင်မှုကိုသာ သိရှိခဲ့သူများအား နွေးထွေးမှုပေးပါသည်။

ကျွန်ုပ်တို့၏ ဆက်သွယ်မှုများသည် အပြစ်သားများအား ဖြောင့်မတ်စွာနေထိုင်သူများမှ ခွဲခြားဆက်ဆံသည့် စိတ်အစွဲကို ကျော်လွှားစေနိုင်သည်။ ကျွန်ုပ်တို့သည် အကြမ်းဖက်ခြင်း၊ အကျင့်ပျက်ခြစားခြင်း၊ လာဘ်ယူခြင်းနှင့် ခေါင်းပုံဖြတ် မတရားခြင်းစသည်တို့ကိုစီရင်ဆုံးဖြတ်ဝေဖန်နိုင်သကဲ့သို့ စီရင်ဆုံးဖြတ်ဝေဖန်ရမည်လည်း ဖြစ်သည်။ သို့သော် ကျွန်ုပ်တို့သည် ပုဂ္ဂိုလ်တစ်ဦးချင်းစီအလိုက် ဝေဖန်ခြင်းမျိုးကို ရှောင်ရှားသင့်သည်။ အဘယ့်ကြောင့် ဆိုသော် ဘုရားသခင်တစ်ပါးတည်းသာလျှင် သူတို့၏နှလုံးသားများကို မြင်တွေ့သိရှိသောကြောင့် ဖြစ်သည်။ အပြစ်ဖို့ခြင်းကင်း၍ အပြစ်အမှားသို့ကျရောက်သွားသူများကို ပြန်လည် ထူပေးရန် ရည်ရွယ်ချက်ဖြင့် အပြစ်အမှား ကျူးလွန်သူများအား ဆုံးမပဲ့ပြင်ပေးရန် နှင့် မကောင်းဒုစရိုက်ပြုလုပ်ခြင်းအမှုနှင့် မတရားသော ခေါင်းပုံဖြတ်သည့် လုပ်ရပ်များအား အသိပေးရှုပ်ချရန်မှာ ကျွန်ုပ်တို့၏ တာဝန်တစ်ရပ် ဖြစ်သည်။          ရှင်ယောဟန် ၈း၃၂တွင် “အမှန်တရားသည် သင့်အား လွတ်မြောက် စေလိမ့်မည်၊”ဟု ရေးသားဖော်ပြထားသည်။ ထိုအမှန်တရားသည် ခရစ်တော်ကိုယ်တော်တိုင် ဖြစ်ပြီး ခရစ်တော်၏ သိမ်မွေ့ညင်သာသော သနားဂရုဏာ တရားသည် ကျွန်ုပ်တို့ ကြေညာဟောပြောနေသော အမှန်တရားနှင့် ကျွန်ုပ်တို့ ရှုပ်ချသော မတရားမှုများကို တိုင်းတာသည့် စံနှုန်းတစ်ခု ပင်ဖြစ်ပေသည်။

 

ကျွန်ုပ်တို့၏ အဓိကတာဝန်မှာ ချစ်ခြင်းမေတ္တာနှင့် တည်နေသောအမှန်တရားကို စွဲကိုင်ထားရန် ဖြစ်သည် (ကျမ်းကိုး၊ ဧဖက် ၄ - ၁၅)။ သိမ်မွေ့နူးညံ့ခြင်းနှင့် သနားဂရုဏာပေါင်းစပ်ကာ ချစ်ခြင်းမေတ္တာဖြင့် ပြောဆိုသည့် စကားလုံးများသည်သာလျှင် ကျွန်ုပ်တို့၏ အပြစ်နှင့် မွန်းကြပ်နေသော နှလုံးသားများကို ထိတွေ့ ထိုးဖောက် နိုင်သည်။ ကြမ်းတမ်း၍ နိတိပညာရှင်တစ်ဦးကဲ့သို့ ပြောဆိုသောစကားနှင့် လုပ်ရပ်များသည် ကျွန်ုပ်တို့ ပြုပြင်ပြောင်းလဲ စေလိုလျှက် လွတ်မြောက်ခြင်းသို့ ဦးဆောင်ပဲ့ပြင်ပေးလိုသော သူများအား ပိုမိုစိမ်းကား ကွာပြဲစေကာ သူတို့၏ စိတ်အတွင်း၌ ငြင်းဆန်ခြင်း၊ လက်မခံခြင်းနှင့် ခုခံကာကွယ်သည့် စိတ်များကို ပိုမို အားပေးရာ ရောက်စေသည်။

 

သနားဂရုဏာအပေါ် အခြေခံသော လူ့အဖွဲ့အစည်း၏ မျှော်မှန်းချက်သည် မျှော်လင့်ချက်ကင်းမဲ့၍ လက်တွေ့ မပါ သော စိတ်ကူးယဉ်ဆန်သည့် အတွေးအခေါ်သာဖြစ်သည်ဟု ခံယူသကဲ့သို့ အလွန်အကျွံ အလိုလိုက် လျောလှ သည်ဟုလည်း လူအချို့က ဝေဖန်ကြသည်။ သို့သော် ကျွန်ုပ်တို့၏ မိသားစုအတွင်း ရင်းနှီးဆက်ဆံမှု များနှင့် ပတ်သက်၍ အတွေ့အကြုံများကို ပြန်လည် အမှတ်ရ သုံးသပ်ကြည့်ကြပါစို့။ ကျွန်ုပ်တို့၏ မိဘများသည် ကျွန်ုပ်တို့၏ အရည်အချင်းများနှင့် အောင်မြင်မှုများကို မကြည့်ပဲ ကျွန်ုပ်တို့အား လူပုဂ္ဂိုလ်များအဖြစ် တန်ဖိုးထား ချစ်မြတ်နိုးခဲ့ကြသည်။ မိဘများသည် သူတို့သားသမီးများ၏ အကောင်းဆုံးအကျိုးရလဒ်များကို သဘာဝအရ ရရှိစေလိုကြပါသော်လည်း သူတို့၏သားသမီးများအပေါ်ထားရှိသော ထိုချစ်ခြင်းမေတ္တာသည် အောင်မြင်မှု အကျိုးရလဒ်များအပေါ်တွင်မမူတည်ချေ။ မိသားစုနေအိမ်သည် ကျွန်ုပ်တို့အား အစဉ်ထာဝရ ကြိုဆိုလက်ခံ နေသည့်နေရာပင်ဖြစ်ပါသည် (ကျမ်းကိုး-ရှင်လုကား ၁၅း၁၁-၃၂)။ ကျွန်ုပ်သည် တစ်ဦးစီတိုင်းအား  အားပေး ပြောဆိုလိုသည်မှာ လူ့အဖွဲ့အစည်းကို  လူစိမ်းများလာရောက်၍ ထိပ်ဆုံးရောက်ရန် ကြိုးစားနေသော ပြိုင်ဆိုင်မှု စင်မြင့်(Forum)တစ်ခု ကဲ့သို့ မရှုမြင်ကြပဲ တံခါးများအမြဲဖွင့်ထားကာ လူတိုင်းအား ရင်းနှီးဖော်ရွင်စွာ ကြိုဆို လက်ခံသော မိသားစုတစ်ခု၊ နေအိမ်တစ်ခု ဖြစ်စေလိုပါသည်။

 

ထိုသို့ဖန်တီးရန်အလို့ငှာ ကျွန်ုပ်တို့သည် ရှေးဦးစွာ နားထောင်တတ်ရပေမည်။ ဆက်သွယ်ခြင်းသည် ဝေမျှခြင်းဟု အဓိပ္ပာယ်ရ၍ ဝေမျှခြင်းဟုဆိုရာ၌ နားထောင်ပေးခြင်းနှင့် လက်ခံခြင်းတို့ လိုအပ်သည်။ နားထောင်ခြင်းသည် သာမန် ကြားခြင်းထက် များစွာသာလွန်သည်။ နားထောင်ခြင်းသည် ဆက်သွယ်ခြင်းဖြစ်ပြီး အချင်းချင်း နီးစပ်မှုရှိရန်လိုအပ်သည်။ ကြားနာခြင်းမှာမူကား သတင်းအချက်အလက်များအား လက်ခံယူခြင်းသာဖြစ်သည်။ နားထောင်ခြင်းသည် ကိစ္စအရာရာကို အဆင်ပြေ မှန်ကန်မှုရှိစေရန် ကူညီပေးသည်။ နားထောင်သောသူသည် ဈေးဝယ်သူ သို့မဟုတ် စားသုံးသူများကဲ့သို့ အခြေအနေအား အပေါ်ယံ ကြည့်သူထက် သာလွန်စေသည်။ နားထောင်ခြင်း ဆိုသည်မှာ မေးခွန်းများနှင့် သံသယများအား ဝေမျှနိုင်ခြင်း၊ အတူတကွလျှောက်လှမ်းနိုင်ခြင်း၊ သြဇာအာဏာအားလုံးချုပ်ကိုင်ထားခြင်းမှ ချေဖျက်ခြင်းနှင့် ဘုံ ကောင်းမှုကိစ္စရပ်ဆိုင်ရာ အစေခံ အလုပ်အကျွေး ပြုရန်အတွက် ကျွန်ုပ်တို့၏ အရည်အချင်း၊ ပါရမီများကို အသုံးပြုခြင်းဟုလည်း အဓိပ္ပာယ်ဖွင့်ဆိုနိုင်သည်။

 

နားထောင်ခြင်းသည် မည်သည့်အခါမျှမလွယ်ကူပေ။ ကြိမ်ဖန်များစွာပင် မကြားသကဲ့သို့ ဟန်ဆောင်လိုက် ခြင်းသည် ပိုမိုလွယ်ကူပေသည်။ နားထောင်ခြင်းဆိုသည်မှာ အာရုံစူးစိုက်ပေးခြင်း၊ နားလည်ရန်ကြိုးစားခြင်း၊ တန်ဖိုးထားခြင်း၊လေးစားသမှုပြုခြင်းနှင့် တဘက်သား၏ပြောဆိုသည့်အရာအား သုံးသပ်လေ့လာခြင်းတို့ဖြစ်သည်။ ထိုသို့ နားထောင်ခြင်းသည် မိမိကိုယ်ကို ပေးဆပ်ခြင်း သို့မဟုတ် အနစ်နာခံခြင်းကဲ့သို့ပင်ဖြစ်ရာ ကျွန်ုပ်တို့သည် တောက်လောင်နေသော ခြုံပင်ဘေးသို့ ချဉ်းကပ်သွားသော မိုးဇက်ကဲ့သို့ ပြုမူသင့်ပါသည်။ ကျွန်ုပ်တို့အား စကားလာပြောသူနှင့် တွေ့ဆုံဆက်ဆံရာ၌ “သန့်ရှင်းသောမြေ” ပေါ်တွင် ရပ်နေသကဲ့သို့ကျွန်ုပ်တို့၏ ခြေနင်း ဖိနပ်များကိုချွတ်ထားရမည်၊ (ကျမ်းကိုး၊ ထွက်မြောက်ရာကျမ်း ၃း၅)။ မည်ကဲ့သို့ နားထောင်ရမည်ကို သိခြင်းသည် ကြီးမားသောကျေးဇူးတော်ဖြစ်သဖြင့် နားထောင်တတ်နိုင်ရန် ဘုရားသခင်ထံတော်မှ ဆုကျေးဇူးတော်ကို တောင်းခံရမည်ဖြစ်ကာ အစဉ်တစိုက် နားထောင်ခြင်းရှိစေရန် လေ့ကျင့်နေရမည် ဖြစ်သည်။

 

အီးမေးလ်၊ ဖုန်းမှ တဆင့်စာပေးပို့ခြင်း၊ ဖေ့ဖုတ်ကဲ့သို့ လူမှုကွန်ရက်များနှင့် အပြန်အလှန် စကားပြောစာရိုက်သည့် နည်းပညာများအားလုံးကို လူသားဆန်သောဆက်သွယ်မှုဆိုင်ရာ ပုံစံအဖြစ်အသုံးချနိုင်ပါသည်။ ဆက်သွယ်ရေး မည်မျှကောင်းမွန် ထိရောက်သည်ဆိုသည်မှာ နည်းပညာများနှင့်သာ သက်ဆိုင်သည်မဟုတ်ပဲ လူ့နှလုံးသားနှင့် မိမိတို့တွင်လက်လှမ်းမှီသောနည်းပညာ၊ နည်းလမ်းများအား အသုံးပြုဆက်သွယ်နိုင်စွမ်းကသာ ပိုမိုအရေးပါသည်။

 

လူမှုကွန်ရက်များသည် ပေါင်းသင်းဆက်ဆံရေးများကို အထောက်အကူပြုကာ လူ့အဖွဲ့အစည်း၏ ကောင်းကျိုး ရရာကိစ္စများအားလုံး ပံ့ပိုးပေးနိုင်သော်လည်း ၎င်းအားဖြင့် တဘက်စွန်းရောက်မှုများနှင့် ခွဲခြားဆက်ဆံခြင်းများ သို့လည်း ဦးတည်စေနိုင်ပါသည်။ ဒီဂျစ်တယ်လောကသည် အများပြည်သူ လာရောက်လည်ပတ်သည့် နေရာတစ်ခု၊ တွေ့ဆုံသည့်နေရာတစ်ခုဖြစ်သည်နှင့်အညီ လူသားအချင်းချင်း စိတ်ခွန်အားပေး နှစ်သိမ့်နိုင်ခြင်း၊ ခြိုးနှိမ်ဆက်ဆံသည့်နေရာဖြစ်နိုင်ခြင်း၊ တန်ဖိုးရှိ၍အရေးပါသော အရာကိစ္စများဆွေးနွေးသည့် နေရာဖြစ်သကဲ့သို့ မတရား တိုက်ခိုက်ဝေဖန်သည့်နေရာလည်းဖြစ်ပါသည်။

 

ဤဂျူဗလီနှစ်သည် သနားဂရုဏာဖြင့်နေထိုင်ရင်း ကျွန်ုပ်တို့အချင်းချင်းကို သိတတ်နားလည်မှုရရှိနိုင်မည့် ထိရောက်လေးနက်သော ပြောဆိုဆွေးနွေးမှုများ လမ်းဖွင့်ထားပေးကာ ထိုသို့ပြုလုပ်ခြင်းအားဖြင့် အမြင်ကျဉ်း၍ မလေးမစား၊ မထီမဲ့မြင်ပြုမှုများ ဖြေဖျောက်နိုင်ကြလျှက် အကြမ်းဖက်မှုနှင့် ခွဲခြားဆက်ဆံခြင်းပုံစံများကို တိုက်ဖျက်နိုင်ကြပါရန် ကျွန်ုပ်ဆုတောင်းပါသည်။  (Misericordiae Vultus, 23)။ အင်တာနက်သည် ကျွန်ုပ်တို့အား ပိုမိုကောင်းမွန်သည့် နိုင်ငံသားများ ဖြစ်စေရန် အကူအညီပေးနိုင်သည်။ ဒစ်ဂျစ်တယ် ကွန်ရက်သို့ ချိတ်ဆက် ဆက်သွယ်မှုများ ပြုလုပ်သည့် အခါတွင်လည်း မိမိတို့ မမြင်တွေ့ဖူးသော တဘက်သားအပေါ် တာဝန်သိတတ်ရမည်ဖြစ်ပြီး တဘက်သား၏ ဂုဏ်သိက္ခာအား လေးစား အသိအမှတ်ပြုရပါမည်။

 

ကျန်းမာကြံ့ခိုင်၍နေသော မျှဝေရန် အဆင်သင့်ဖြစ်နေသော လူ့အဖွဲ့အစည်းကို တည်ဆောက်နိုင်ရန်အတွက် ကျွန်ုပ်တို့သည် အင်တာနက်ကို ကောင်းစွာအသုံးချနိုင်ပါသည်။ ဆက်သွယ်ရေးသည် မည်သည့်နေရာ မည်သည့်အခြေအနေတွင်ပင်ဖြစ်စေ လူအများအား အမြင်ကျယ်စေပါသည်။ ဤသည်မှာ ဘုရားသခင်၏ လက်ဆောင်မွန်ဖြစ်ပြီး ၎င်းတွင် ကြီးမားသော တာဝန်ယူမှုလည်း ပါဝင်နေပါသည်။ ကျွန်ုပ်အနေနှင့် ထိုဆက် သွယ်ရေးနှင့် ပတ်သက်သည့် စွမ်းအင်ကို “နီးစပ်ခြင်း” ဟု ကိုးကားခေါ်ဆိုလိုပါသည်။ ဆက်သွယ်ရေးနှင့် သနားဂရုဏာအကြား ဆက်ဆံထိတွေ့ခြင်းသည် ဂရုပြု စောင့်ရှောက်ခြင်း၊ အားပေးနှစ်သိမ့်ခြင်း၊ ကုသခြင်း၊ လက်တွဲ အတူတကွ လျှောက်လှမ်းခြင်းနှင့် အောင်ပွဲခံ ပျော်ရွှင်ခြင်းတို့အား ပေါင်းစည်း နီးစပ်မှုပေးနိုင်မှသာ အကျိုးရလဒ်များ ရရှိနိုင်ပါသည်။ ကြေကွဲ ပျက်စီးပြီး အထိအခိုက်လွယ၍ တဖက်စွန်းဆီရောကါနေသည့် ဤကမ္ဘာလောကကြီးတွင် သနားဂရုဏာဖြင့် ဆက်သွယ်ခြင်းဆိုသည်မှာ ဘုရားသခင်၏ သားသမီးများအကြား၊ ညီအစ်ကို မောင်နှများအကြား လူသား မိသားစု တစ်ခုတည်းတွင် ကျန်းမာ၊ လွတ်လပ်ပြီး ရင်းနှီးဖော်ရွေမှုရှိသည့် နီးစပ်ခြင်းကို ဖန်တီးပေးပါသည်။

 

ဖရန်စစ်ကုစ်

ဗာတီကန်မြို့၊

၂၄ ရက်နေ့၊ ဇန်နဝါရီလ ၂၀၁၆ ခုနှစ်

 

(ဘာသာပြန် လောရင်းစ် မွန်းဆုန်း)




<

ယခင်စာမျက်နှာသို

|

နောက်စာမျက်နှာသို့ 

>